نواز شریف نجی دورے پر سنگاپور اور چین روانہ

مسلم لیگ (ن) کے قائد نواز شریف چار سے پانچ روزہ نجی غیر ملکی دورے پر روانہ ہو گئے ہیں، انہوں نے لاہور سے خصوصی طیارے کے ذریعے سفر کا آغاز کیا۔ پہلا پڑاؤ سنگاپور ہے، جہاں ان کا طبی معائنہ شیڈول ہے۔ سنگاپور میں قیام کے بعد، ان کی چین روانگی متوقع ہے جہاں وہ مختلف کمپنیوں کے رہنماؤں سے ملاقاتیں کریں گے۔ اس سفر میں ان کے ہمراہ ان کے بیٹے حسن اور حسین نواز، اور ان کے ذاتی معالج ڈاکٹر عدنان بھی ہیں۔