گوجرانوالہ میں مون سون کی شدید بارشوں سے سیلابی صورتحال، دو افراد جاں بحق

گوجرانوالہ میں مون سون کی شدید بارشوں نے پچھلے تمام ریکارڈ توڑ دیے ہیں، جہاں 250 ملی میٹر بارش ریکارڈ کی گئی۔ تقریباً 10 گھنٹے تک جاری رہنے والی اس بارش کے باعث سیٹلائٹ ٹاؤن سمیت شہر کے نشیبی علاقے اور اہم سڑکیں زیر آب آ گئیں۔ جی ٹی روڈ پر ٹریفک روک دی گئی۔ بارش سے دیوار گرنے، چھت گرنے اور کرنٹ لگنے کے واقعات پیش آئے، جن میں ایک خاتون اور ایک چھ ماہ کا بچہ جاں بحق جبکہ چار افراد زخمی ہوئے۔ واسا اور دیگر متعلقہ محکمے پانی نکالنے کے کام میں مصروف ہیں۔