پنجاب کے سروسز ہسپتال کو سٹروک کیئر میں بین الاقوامی ڈائمنڈ ایوارڈ ملا

وزیراعلیٰ مریم نواز کی صوبہ بھر میں شعبہ صحت میں بہتری کے لئے کاوشوں کا اعتراف عالمی سطح پر بھی کیا گیا۔ وزیراعلیٰ کو سروسز ہسپتال شعبہ نیورالوجی کی سٹروک کیئر میں خدمات پر ڈبلیو ایس او/ اینجلز کی طرف سے ڈائمنڈ ایوارڈ کے عظیم ترین طبی اعزاز سے نوازا گیا۔ مریم نواز نے پرنسپل سمز پروفیسر ڈاکٹر زہرہ خانم، ہیڈ شعبہ نیورولوجی پروفیسر ڈاکٹر محمد عدنان اسلم اور پوری ٹیم کو مبارکباد اور شاباش دی۔ فالج کے مریض کی بحالی صحت کی کاوشوں کے بہتر نتائج کے لئے سروسز ہسپتال کے سٹروک ایمرجنسی سنٹر کو بہترین قرار دیا گیا۔ وزیراعلیٰ کی زیر قیادت سروسز ہسپتال شعبہ نیورالوجی میں ڈائمنڈ ایوارڈ فار ایکسی لینس ان سٹروک کیئر حاصل کرنے والا پبلک سیکٹر کا پہلا ملکی ادارہ بن گیا۔ وزیراعلیٰ مریم نواز کا کہنا ہے کہ پنجاب سٹروک پروگرام کے لئے ڈائمنڈ ایوارڈ سرٹیفکیٹ نہیں بلکہ بروقت علاج اور جدید طبی سہولتوں کے باعث بچائی جانے والی ہزاروں انسانی جانوں کا اعتراف ہے۔ وزیر اعلیٰ مریم نواز شریف نے اظہارِ تشکر کرتے ہوئے کہا کہ سروسز ہسپتال کے دنیا بھر کے بہترین سڑوک سنٹر کی صف میں شامل ہونے پر اللہ کا شکر ادا کرتے ہیں۔ پنجاب میں فالج کے مریضوں کو بہترین اورعالمی معیار کی طبی سہولتیں فراہم کرنے کے مشن کو مزید آگے بڑھائیں گے۔

وزیر اعلیٰ پنجاب مریم نواز اور مراد علی شاہ نے اوورسیز پاکستانیوں اور ورلڈ بینک کے نمائندوں کے ساتھ ایک اہم ملاقات کی۔ یہ ملاقات وزیر اعلیٰ مریم نواز کے مقامی اور غیر ملکی سرمایہ کاروں کے لیے خصوصی ترغیبی پیکیج کے پہلے اعلان اور پنجاب میں 'گرین انڈسٹریل اکنامک زون' کے لیے ایک جامع منصوبے کی درخواست کے بعد ہوئی ہے۔