مجھ سے الفاظ کا غلط چناؤ ہوا، بلاول بھٹو نے علیحدگی پسند گروپوں پر بیان کی وضاحت کر دی

پاکستان پیپلز پارٹی (پی پی پی) کے چیئرمین بلاول بھٹو زرداری نے علیحدگی پسند گروپوں کے حوالے سے اپنے حالیہ بیان کی وضاحت کی ہے۔ پارلیمنٹ ہاؤس میں صحافیوں سے گفتگو کرتے ہوئے انہوں نے کہا کہ ان سے 'الفاظ کا غلط چناؤ ہوا' اور ان کا مقصد یہ بتانا تھا کہ کچھ علیحدگی پسند تحریکیں تشدد اپنا رہی ہیں اور ٹی ٹی پی جیسے گروپوں کی طرح دہشت گردی میں ملوث ہیں۔ انہوں نے یہ بھی دعویٰ کیا کہ ان گروپوں کو افغانستان سے کنٹرول کیا جا رہا ہے اور ان کی مدد ایک پڑوسی ملک کر رہا ہے۔