ایران میں دو پاکستانی نوجوان بازیاب

لاہور کے علاقے بصیر پور سے تعلق رکھنے والے دو پاکستانی نوجوان، کلیم اور شوکت، تہران میں پاکستانی سفارت خانے پہنچ گئے ہیں۔ یہ 12 پاکستانی نوجوانوں میں شامل تھے جنہیں مبینہ طور پر انسانی اسمگلروں نے ایران کے “ڈنکی روٹ” کے ذریعے اٹلی جانے کی کوشش کے دوران اغوا کر لیا تھا۔

فیڈرل انویسٹی گیشن ایجنسی (ایف آئی اے) کی کوششوں سے انہیں انسانی اسمگلروں کے چنگل سے بحفاظت بازیاب کرایا گیا۔ تاہم، دس دیگر نوجوان مبینہ طور پر اب بھی “ڈنکی مافیا” کے قبضے میں ہیں۔ پاکستان نیوز مزید تصدیق شدہ تفصیلات دستیاب ہونے پر اس خبر کو اپ ڈیٹ کرے گا۔