اگر ایران تجارت نہیں کرسکتا تو کوئی بھی نہیں کرسکے گا، ایرانی آرمی چیف کی وارننگ

ایرانی آرمی چیف میجر جنرل امیر حاتمی نے ایک نئی وارننگ جاری کرتے ہوئے کہا ہے کہ اگر ایران کو تجارت سے روکا گیا تو کوئی دوسرا ملک بھی تجارت نہیں کر سکے گا۔ ایک بیان میں انہوں نے آبنائے ہرمز کو 'ایران کے اختیار اور بقا کی علامت' قرار دیا۔

جنرل حاتمی نے زور دے کر کہا کہ 'دشمنوں کو اس اہم سمندری راستے سے فائدہ اٹھانے کی اجازت نہیں دی جائے گی' اور خطے کی سلامتی اسی خطے کے ممالک کی ذمہ داری ہے۔ انہوں نے مزید کہا کہ علاقے سے امریکی افواج کے انخلاء کے بغیر امن ممکن نہیں، اور خبردار کیا کہ اگر عدم استحکام پیدا ہوا تو خطے کا کوئی بھی ملک محفوظ نہیں رہے گا۔