پی ٹی آئی کی جے یو آئی (ف) کو 27 ستمبر کے احتجاج اور اے پی سی میں شرکت کی دعوت

پاکستان تحریک انصاف (پی ٹی آئی) نے جمعیت علمائے اسلام (ف) کو 27 ستمبر کو ہونے والے احتجاج اور آل پارٹیز کانفرنس (اے پی سی) میں شرکت کی باضابطہ دعوت دی ہے۔

جمعہ کو وفود کے درمیان ملاقات کے بعد پاکستان تحریک انصاف (پی ٹی آئی) اور جمعیت علمائے اسلام ف (جے یو آئی-ف) نے باضابطہ طور پر سیاسی اتحاد کا اعلان کر دیا ہے۔

مذاکرات کے بعد میڈیا سے گفتگو کرتے ہوئے چیئرمین پی ٹی آئی بیرسٹر گوہر خان نے بتایا کہ سینیٹ اور قومی اسمبلی میں مشترکہ اپوزیشن بنانے پر اتفاق ہو گیا ہے۔ انہوں نے مزید کہا کہ صوبائی معاملات پر بات چیت کے لیے آل پارٹیز کانفرنس (اے پی سی) بلائی جا رہی ہے۔

جے یو آئی رہنما مولانا عبدالغفور حیدری نے مذاکرات کی تصدیق کرتے ہوئے کہا کہ بات چیت میں اے پی سی اور بلوچستان کی سیکیورٹی صورتحال سمیت دیگر امور پر تبادلہ خیال کیا گیا۔

پاکستان تحریک انصاف (پی ٹی آئی) اور جمعیت علمائے اسلام فضل الرحمٰن (جے یو آئی-ف) کے وفود کے درمیان ملاقات کے بعد دونوں جماعتوں نے سیاسی اتحاد کا اعلان کر دیا ہے۔ اطلاعات کے مطابق یہ اعلان پی ٹی آئی کے چیئرمین بیرسٹر گوہر خان اور جے یو آئی کے رہنما مولانا غفور حیدری نے مشترکہ طور پر کیا۔