بلوچستان کی ترقی میں رکاوٹ ڈالنے کی دہشتگردانہ کوششیں ہر قیمت پر ناکام بنائیں گے، صدر زرداری

بدھ کو ہونے والی یہ ملاقات صوبے میں حالیہ سیکیورٹی واقعات کے پس منظر میں ہوئی۔ گزشتہ ہفتے کچھی ضلع کے علاقے بولان میں نامعلوم حملہ آوروں نے گیس کی مرکزی پائپ لائن کو دھماکے سے اڑا دیا تھا۔ جولائی میں، ڈیرہ مراد جمالی میں اوچ پاور پلانٹ کے قریب حملہ آوروں نے 220 کلو وولٹ کے دو ٹرانسمیشن پائلن تباہ اور دو کو نقصان پہنچایا تھا، جس سے بلوچستان کے کئی حصوں میں بجلی کی فراہمی معطل ہو گئی تھی۔

دریں اثنا، سیکیورٹی فورسز نے عسکریت پسندوں کے خلاف حالیہ کئی آپریشنز کیے ہیں۔ اطلاعات کے مطابق، زیارت، ہرنائی اور سوراب کے علاقوں میں انٹیلی جنس پر مبنی آپریشنز (آئی بی اوز) کے دوران نو دہشت گرد مارے گئے۔ اس سے قبل کلی زیک اور خاران کے علاقوں میں ہونے والے آپریشنز میں بھی متعدد دہشت گرد ہلاک ہوئے تھے۔