کے پی کے وزیر اعلیٰ سہیل آفریدی کا لاہور میں ناکہ بندی کا الزام، سیکیورٹی مسترد کردی

واقعے کے بعد وزیر اعلیٰ سہیل آفریدی نے میڈیا سے گفتگو کرتے ہوئے سخت سیاسی بیانات دیے۔ انہوں نے دعویٰ کیا، ’’آج میں پنجاب میں داخل ہوا، انہوں نے جگہ جگہ پر ناکہ بندی کی ہوئی تھی۔ میں عمران خان کا سپاہی ہوں، میرے لیے کوئی روٹ نہیں لگایا گیا تھا۔‘‘

انہوں نے پنجاب حکومت کی جانب سے فراہم کردہ سیکیورٹی انتظامات کو مسترد کر دیا۔ آفریدی نے کہا، ’’جس طرح پنجاب کی جعلی وزیر اعلیٰ کہتی ہیں کہ انہیں خطرہ ہے... مجھے پنجاب کے اپنے بہن بھائیوں سے کوئی خطرہ نہیں۔ مجھے ان بے گھر لوگوں کی کوئی سیکیورٹی نہیں چاہیے جنہوں نے میرے اشتیاق احمد کو شہید کیا۔‘‘