نجی ہسپتال میں علاج کی استدعا مسترد، قیدیوں کو من پسند سہولت کا قانونی حق نہیں: اسلام آباد ہائیکورٹ

ایک تفصیلی تحریری حکم نامے میں عدالت نے قرار دیا کہ قید آزادی کو محدود کرتی ہے، لیکن یہ ہر من پسند سہولت کا حق پیدا نہیں کرتی۔ جسٹس محمد آصف نے ریمارکس دیے کہ کسی قیدی کو اپنی پسند کے نجی ہسپتال میں منتقل ہونے کا کوئی قانونی حق نہیں ہے، اور 'ہر تکنیکی سہولت کو بنیادی حق قرار نہیں دیا جا سکتا'۔ فیصلے میں واضح کیا گیا کہ علاج کی بنیادی ذمہ داری سرکاری ہسپتالوں پر عائد ہوتی ہے، اور کسی نجی مرکز میں منتقلی پر حکام صرف اسی صورت میں غور کر سکتے ہیں جب سرکاری نظام میں علاج ممکن نہ ہو۔ یہ درخواستیں قیدیوں اویس الطاف، محمد الیاس خان اور محمد اسماعیل حسین کی جانب سے دائر کی گئی تھیں۔