بنگلہ دیش میں شیخ حسینہ کی تقریر پر احتجاج

سابق وزیر اعظم شیخ حسینہ واجد کے نئی دہلی سے ورچوئل خطاب کے بعد بنگلہ دیش بھر میں احتجاجی مظاہرے پھوٹ پڑے ہیں۔

بنگلادیشی کرکٹ ٹیم کے سابق کپتان شکیب الحسن کے آبائی گھر پر مشتعل افراد نے پیٹرول بموں سے حملہ کیا اور کھڑکیاں توڑ دیں۔ یہ واقعہ، جس کے باعث رہائش گاہ کی اوپری منزل پر آگ بھی لگی، بدھ کو ڈھاکا سے تقریباً 170 کلومیٹر جنوب مغرب میں واقع قصبے مگورا میں پیش آیا۔ پولیس نے تصدیق کی ہے کہ حملے کے وقت گھر میں کوئی موجود نہیں تھا اور کسی جانی نقصان کی اطلاع نہیں ملی۔ یہ حملہ شکیب الحسن کی نئی دہلی میں فارن کورسپانڈنٹس کلب آف ساؤتھ ایشیا کے زیر اہتمام ایک ورچوئل تقریب میں شرکت کے بعد ہوا، جہاں سابق وزیراعظم شیخ حسینہ نے خطاب کیا اور دسمبر میں بنگلادیش واپسی کا اعلان کیا۔ بنگلادیش کی وزارت خارجہ نے شیخ حسینہ کی میڈیا سے بات چیت کی شدید مذمت کی ہے، اسے ملک کی خودمختاری کی توہین قرار دیا ہے اور خبردار کیا ہے کہ بھارت سے ایسے خطاب کی اجازت دینے سے دوطرفہ تعلقات کو نقصان پہنچ سکتا ہے۔

سابق وزیراعظم شیخ حسینہ کے نئی دہلی سے ورچوئل خطاب کے بعد ڈھاکہ میں ایک احتجاجی مظاہرہ ہوا ہے۔

سابق وزیراعظم شیخ حسینہ نے نئی دہلی سے فارن کورسپونڈنٹس کلب آف ساؤتھ ایشیا کے زیر اہتمام ایک تقریب میں ورچوئل خطاب کیا ہے۔