شمالی وزیرستان میں انٹیلی جنس بیسڈ آپریشن، میجر شہید، پانچ دہشتگرد ہلاک

شمالی وزیرستان کے رزمک علاقے میں ایک انٹیلی جنس بیسڈ آپریشن (آئی بی او) کے دوران 34 سالہ آرمی افسر میجر حافظ احسان الٰہی شہید ہو گئے۔ آئی ایس پی آر نے ان کی شہادت کی تصدیق کی اور بتایا کہ سیکیورٹی فورسز نے اسی آپریشن میں پانچ بھارتی حمایت یافتہ تحریک طالبان پاکستان (ٹی ٹی پی) کے دہشتگردوں کو ہلاک کیا، اور ان سے اسلحہ و گولہ بارود برآمد کیا۔ یہ دہشتگرد سیکیورٹی فورسز اور شہریوں کے خلاف متعدد سرگرمیوں میں ملوث تھے۔ سرچ آپریشن جاری ہیں، اور آئی ایس پی آر نے اعادہ کیا کہ 'عزم استحکام' کے تحت انسداد دہشت گردی مہم پوری رفتار سے جاری رہے گی۔ وزیر داخلہ محسن نقوی، صدر آصف علی زرداری، اور وزیراعظم شہباز شریف نے شہید میجر کو خراج تحسین پیش کیا اور سیکیورٹی فورسز کی کامیاب انٹیلی جنس بیسڈ آپریشن پر تعریف کی۔