سورج خانہ کعبہ کے عین اوپر، سایہ غائب ہو جائے گا

آج سورج خانہ کعبہ کے عین اوپر ہوگا، جس کے باعث چند لمحوں کے لیے خانہ کعبہ کا سایہ ختم ہو جائے گا۔ جدہ فلکیاتی سوسائٹی کے مطابق، مکہ مکرمہ کے مقامی وقت کے مطابق دوپہر 12 بج کر 26 منٹ پر سورج 90 ڈگری کے زاویے پر خانہ کعبہ کے بالکل اوپر ہوگا۔ اس موقع پر سورج اور خانہ کعبہ ایک ہی خط عمود پر آ جائیں گے، جس کی وجہ سے خانہ کعبہ کا سایہ نظر نہیں آئے گا۔ پاکستان میں یہ فلکیاتی منظر دوپہر 2 بج کر 26 منٹ اور 44 سیکنڈ پر دیکھا جا سکے گا۔